نظم د عيد فطر سرسايه وغيره Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 د اختر په ورځ عزيزه له تا بويه اوه څيزه 02 اول غسل بيا مسواک دی ښه پوشاک دی ښه خوراک دی 03 خوشبويي که په ځان پورې سرسايه ده که يې گورې 04 يا به مونځ دد اختر وکړې دا سنت به په ځای ته کړې 05 سرسايه په تا واجب ده لا د وخته مناسب ده 06 لوی هلک سره وشماره که آزاد که بنده ياره 07 په هر سر نيم صاع غنم دي پوره صاع اوربشې هم دي 08 که خرما دي که مويز دي د اوربشو غوندې نيز دي 09 سرسايه په تا هاله شته که نصاب دې د کاله شته 10 له دې وام وي نه دې پور وي سر انجام دې د خپل کور وي 11 چې زکات ور باندې شينه سرسايه دې ور کوينه 12 شوی و زن په سرسايه کې سره بېل دي په مايه کې 13 که مجنون مالک نصاب وي يا هلک په دا حساب وي 14 په زکات کې که معاف وي په صدقه کله معاف وي 15 د سودا په مال هم نشته سرسايه نور په هر څه شته 16 که د عيد پخوا يې ور کا سرسايه هم د ا ښه چر کا 17 په اختر يې که ور نه کا په هر وخت چې ور کا ښه کا 18 که غله نه ورکوينه په حساب رو که هم شينه 19 صاع اته رطل حساب دی رطل نيم من په کتاب دی 20 دمکې من دا ځای بويه نه ښهنک پيمانه لويه Dictionary meaning × Headword
