د حق تعالی د حکم د ارادې چې کار يې د حکمت خالي نه دی

ذره نه خوځي له ځايه

څو فرمان نه وي له خدايه

چې دخدای امر فرمان شي

يو غر بل وته روان شي

چې يو بد وايي ته ښه يې

هغه اور شه ته اوبه يې

چې اوبه شي په ارو تلې

هورته مړې شي لمبې بلې

په سل ځله که څوک گرم شي

بيا دې هم باندې کرم شي

که روټۍ وي که اوگره وي

د يارانو دې سره وي

دا دوه توکه رياست دی

سخاوت دی شجاعت دی

دوري نشته بله حيله

يا سپينکی يا کر کيله

چې به نره يا به شطرنج کا

که په شرط وي ما په رنج کا

بهسوده نه ظرافت دی

بس دا هومره اشارت دی