غزل د خاطر مې له اندوهه نه څه ننگ دی Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 د خاطر مې له اندوهه نه څه ننگ دی که مې زده چې د ښادۍ ساعت يو درنگ دی 02 لا مې يو خدنگ له زړه وتلی نه دی بيا زما په زړه نوبت د بل خدنگ دی 03 هر سهر به ما له ورايه تېغ وکښلی خول په سر ايښی راځي په نيت د جنگ دی 04 تر چشمانو مې اوره گڼه بې نمه تر محنت پورې مې غر لکه لاسنگ دی 05 په خروار عيش و عشرت کاندي وگړي خو زما د زړه په بخره عيش تنگ دی 06 ما دزړه په سترگو رنگ دزړگي وکوت همگي د غم په سرو وينو کې رنگ دی 07 دا اسمان چې پاس په سر باندې څرخېږي په چا چتر مرصع، په چا پلنگ دی 08 د دنيا په لويۍ څه باور خوشاله! پرون دور د خرم نن د اورنگ دی Dictionary meaning × Headword
