دا ښايست چې يې په تا باندې کښېښو

دا ښايست چې يې په تا باندې کښېښو

د زړه داغ به يې په ما باندې کښېښو

که جمال يې و يوسف نه وای ورکړی

چا به غم په زلېخا باندې کښېښو

مگر گل په اشارت کې ورته ووی

چې بلبل ټټر په ما باندې کښېښو

که د زلفو مار يې وخوري عاشق گرم دی

چې يې لاس په اژدها باندې کښېښو

زه که ستا په لړ شوو باندې پروت نه وای

د سپي نوم به دې په چا باندې کښېښو

که هرڅو به دې شاړه له خپله وره

خوار خوشال به قدم لا باندې کښېښو