د خصيه د سپوڼي مجرب دارو

نيم، دڼيه دواړه سره کړه

هر يو تول نيمه پيسه کړه

هم د شوې پاڼې روکه

پوره درې شېرشاهي جوکه

بيا د ځوز وله يې مله کړه

څلورم دا، درې هغه کړه

د پينځو پيسو مقدار کړه

ولې دا د هغو يار کړه

همه واړه سره گس کړه

په لنگويي کې يې تس نس کړه

له اوبو سره يې حل کړه

خپل مشکل ورباندې حل کړه

سره واړه کپړه چاڼ کړه

دا دارو راحت د ځان کړه

اوبه نشوي په نهاره

تعطيل مه کوه دلداره

څه خو پورې په چنبل کړه

ويې مږه ښه اټکل کړه

اته ورځې دا رنگ کار کړه

خدای دې روغ کړه خپل روزگار کړه

غوښې مه خوره نه کبونه

نه ترشي بادي څيزونه

سپوڼی هر ځای چې په تا وي

په دا کار به يې شفا وي

دخصيه د سپوڼي وروره

ښه دارو دي ويې گوره

مجرب تجربه کار دي

د هر سپوڼي دا آزار دي