د محارمو چې نکاح يې نه رغېږي

چې حرامې په نکاح دي

محارمې نامباح دي

اول مور دويمه خور ده

نيا و لور ورپسې ترور ده

بيا نمسۍ ده بيا وريره ده

بيا خورزه هم ورسره ده

ميره هم لکه مادر ده

مبرهنه ښکاره چر ده

خواښې نږور هم په داشان دي

خبردار پرې مسلمان دي

چې دهر چا وخورې پيې

زوی ورور د هغو ته يې

نه يې لور په تا رغېږي

خور يې هم ناروا کېږي

چې دخول ور سره وکړې

بد که لور به يې بيا ته کړې

که يې وکړې بې دخوله

دميرې لور ده قبوله

که ودې ته طلاق ورکړي

لور يې وکړه همه چرکړې

مور يې شوه په تا حرامه

چې ژوندۍ ده لا کلامه

په حلال که په حرام وي

چې په چا دې ولاړ تمام وي

يا بوسه په شهوت ورکړې

يا يې فرج وته نظر کړې

هم يې مور شوه لکه خواښې

لور يې لور پوه شه که وا شي

ستا د زوی هغه مور شوه

پرې حرامه نور تر گور شوه

که دې خور وي د عورتې

که دې ترور وي د عورتې

که ددې خاله ورېره وي

په يوه نکاح گنده وي

که طلاقه کړې عورته

يا په مرگ شي لته پته

روا وي پس له عدته

له دېو هر چې کړې عورته