غزل د سبا باده گذر په چمن بيا کړه Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 د سبا باده گذر په چمن بيا کړه په چمن کې رنگا رنگ گلونه وا کړه 02 زه دې توان د خرخشو لرم چې کړې يې که دې زړه زما په مرگ دی دا ادا کړه 03 بې نياز څه خبر له نازه، چې ناز څه دی؟ ستا دسترگو بلا واخلم ناز په ما کړه 04 زه له خپله بخته چا وته فرياد کړم چې پرون يې راته مخ و نن يې شا کړه 05 خوله مې ډکه شوه په شهدو، په شکرو چې سهر مې ستا د لام و بې ثنا کړه 06 عاشقي که سراسر واړه بلا ده ما په ځان د زړه قبوله دا بلا کړه 07 زه خوشال کمزوری نه يم چې به ډار کړم په ښکاره نارې وهم چې خوله يې راکړه Dictionary meaning × Headword
