غزل د سپېرو خاورو غوغا ده Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 د سپېرو خاورو غوغا ده چې په کې غورځي هوا ده 02 و حباب وته وگوره! څه دې نوره تمنا ده 03 گومان نه کړم چې به ستا شي دا چې ته وايې زما ده 04 چې به گاندفنا کېږي گانده نه ده نن فنا ده 05 د هلکو لوبې گوره! سرشته د هر چا دا ده 06 ته لا طفل د اورڼي يې که دې ږېره کربلا ده 07 دا درگاه يوه بوډيه که خندا که دې ژړا ده 08 چې يې يو ځبله اړاند کا دا هم لويه تماشا ده 09 راشه وگوره په سترگو چې دچا وه؟ اوس دچا ده؟ 10 خو يو وهم، خوب وخيال دی کوم ژوندون کومه دنيا ده 11 د نور چا نه ده خوشاله! ستا دخولې وينا هم ستا ده Dictionary meaning × Headword
