د هغو چې گرځېدنه ستا په تل شي

د هغو چې گرځېدنه ستا په تل شي

ستا پهتل به يې آخر سرونه تل شي

ستا چشمانو مې زړه يوړ، بڼو قبل کړ

د هغو به څه احوال وي چې قبل شي

د وصال د ناوې مهر څه دی غم دی

هغه هم واړه يکباره معجل شي

عشق يو څه د مزري برېت دی په گوگل کې

د رنځور يې په څو ورځې رنگ بدل شي

ښايسته که هر څه لافې د ښايست کا

چې يې ته په نظر کښېوځې نور خجل شي

يو گلزار په يوه درنگ کې شگفته شي

چې يې زلفې په بارخو باندې ولول شي

تر هر حرف يې د ختا نافې ځارېږه

افرين دې دخوشال په دا غزل شي