دايه چې په پيو محارمې وي

له نسبه چې حرام دي

له شير هم هسې په نام دي

پی که کال روي يا گوټ وي

په نکاح وبله تروټ وي

د رضاع حکم مسطور دی

په دوه نيم کاله منظور دی

چې يې وروده مادر شوه

لور ددې دده خواهر شوه

د هغې مېړه يې پلار شه

کار خدمت يې باندې بار شه

چې د پيو د پسر دی

شه که شوی دې دخواهر دی

چې د پيو برابر دی

شه که شوی دې د مادر دی

په نسب کې دي حرام

د شر نه دي بد فرجام

په قرآن کې هسې دينه

واوره قل للمؤمنين

يغضوا يحفظوا ياره

ته ساته دواړه ابصاره

په څلور رنگه نظر دی

پرې به پوه وي چې خبر دی

چې نظر کا بربنډ تن ته

مرد و مرده ته زن و زن ته

بل چې مرد ښځې ته گوري

بل چې ښځه مرد ته گوري

يو نظر ضروري شينه

بل نظر اختياري وينه

ضروري نظر د چا دی

د جراح د طبيب دا دی

په هر ځای چې نظر کاندې

اجازت دی په ده باندې

که نظر يې په شهوت وي

په اختيار شي قباحت وي

په عورت دې نظر نه کا

په هر ځای چې نور کا ښه کا

کوز تر ناف تر زانو پاسه

دا همه عورت دی ناسه

مرد چې مرد وته نظر کا

په شهوت ناروا چر کا

ښځه ښځې ته که گوري

په شهوت غم به پرې ووري

ضروري نظر روا دی

د طبيب که په نسا دی

که نظر يې په شهوت دی

په هر ځای چېشي آفت دی

که نظر کاڅوک و مور ته

يا وخور ته يا و ترور ته

يا ميره يا څوک محرمه

په نکاح له موره سمه

که ويښته که يې باهو وي

که گردن وي که يې رو وي

نور کاته بده بلا وي

دا يو څو ځايه روا وي

په شهوت که نظر کاندې

بد گومان وي په ځان باندې

سکه مور ته دې نه گورې

چې يې زړه وته وښوري

نور دده معشوقه کېږي

په پدر يې نه رغېږي

که نظر په ميره کاندې

په شهوت لعنت پرې باندې

ميره نه شوه ناروا شوه

د پدر دده بلا شوه

نه په ده باندې رغېږي

نور په پلار نه رواکېږي

که نظر په وينځه وينه

چې په بيعه شرا شينه

چې محرم وته نظر کړې

دا هم هسې کا باور کړې

مخ مړوند ويښته يې گوره

ساق سينه په شهوت وروره

اول ښه کړه ننداره

بيا سودا کړه اشکاره

په خاتون که نظر کاندي

دی دې لا ډېر حذر کاندي

که مېړه نظر په زن کا

سر تر پايه بربنډ تن کا

واړه ښه چې روا کار کا

هسې نه چې سړی خوار کا

که و فرج وته يې کسي

که په گوتو کې يې نسي

دا همه واړه روا دي

که دوه تنه خوښ په دا دي

که دښځې شرم شينه

بويه دا چې دا نه وينه

په هر رنگ چې نه شرمېږي

هسی رنگې زيست دې کېږي

بېگانه عورتې ځوانه

نامحرمه ده ای جانه

لاس يې مه نيسه په لاس کې

ځنې اوسه په هراس کې

که زړه دمور په ځای وي

لاس نيول يې نور په ځای وي

که يې رگ وهي حجام دی

په بل ځای نظر حرام دی

مگر هومره قميص بژه کا

د رگ ځای يې برهنه کا

هم په لچ که رگ نمای وي

ضروري نظر په ځای وي

چې ژورې نه کوينه

عورتينې د سره وينه

يار که يار کره وردرومي

بيا هاله که رخصت مومي

نابينا که ورتله کاندې

نيشته عيب په ده باندې

عورتينه دې سترگې ژغوري

نابينا ته دې ته گوري