دارو د نفس د خلط د هر خلط و اشتها و ډېرول د رنگ د ښه کېدل

هليله څلور درمه

په حساب نه پيشو کمه

پترج لس درمه زويه

ناگ کسير هم همره بويه

دوه درم زيره توره

شل درمه دهنيه گوره

قلفل د راز انباله بيد هم

شل شل دا سيه سفيد هم

شل درم د کلوي وي

شل شل د نور سماق پرتوی وي

دا همه شي اته څيزه

چې يې وشمارې عزيزه

دا همه سره ميده کړه

بيا همه سره پخته کړه

دوه سو څل درمه گوړه

نه چې بېش و يا کم گوړه

دارو واړه سره گډ کړه

ته يې ښه سره گډوډ کړه

ځنې سازه کړه گوله

په مقدار د بهلوله

هره ورځ په ناشته خوره

په آغاز يې د شتا خوره

طبيعت به دې صفا کا

خلط به لري واړه ستا کا

که دې رنگ په زحمت زرد وي

يا د نور د گېډې درد وي

دا به واړه ځنې دور شي

په صحت به دې مخ سور شي

اشتها به دې شي ډېره

خورنده به شي تر سېره