دارو د نس خوږي او د باد گولۍ

اطريفل زنجبيل ياره!

څلور توکه شی وشماره

سره واړه دوه درمه

برابر واخله همدمه

بيا اوبه څلور آثاره

په کې جوش که زما ياره

چې نيم سېر اوبه شي پاتې

په حساب نه کمې زياتې

ته يې ونوشه شير گرمې

چې گوله شي ترمې ترمې

څو د نس گوله ورکېږي

دا دارو دې هومره کېږي

د کبل ولې ای زويه

چې ښه نفع لري لويه

نم يې گېډې لره بيايه

حنس يې مه نغره نېک رايه

چې د گېډې درد علت وي

په دا کار به يې صحت وي

د نس کانگه په دا درومي

هم بيمار پرې صحت مومي