دارو هم مسهل دي يعنې جلاب

هليله کابلي مرده

واخله بيا هليله زر ده

ور پسې هليله توره

بيا د هنيا واخله ای وروره

تج کاږه ويلني دواړه

د نيلي تخم وغواړه

گل لعل ای اکرمه

هر کدام پنځه درمه

مصبر نسوت دا دواړه

هر يو هفت درم وغواړه

دا دارو واړه وشماره

لس څيزونه شي ای ياره

واړه گوشي گوشي آس کړه

تر غلبېل يې کوز و پاس کړه

بيا يې گډ په گبينه کړه

سره ښه يې خمير ته کړه

لکه زړی د کر کڼې

گولۍ وکړه گردې پلنې

چې د شپې په وخت څملې

په دهن به يوه ولې

پرې اوپه گوټه شير گرمې

چې گولۍ کا ترمې ترمې

يو څو شپې دا هسې کار کړه

د گولۍ خوراک وار وار کړه

دا گولۍ به يو څو دسته

د اخلاط بلا کا پسته

که زحمت دې د سودا وي

پرې به ځي که دصفرا وي

دا جلاب مفيد جلاب دي

صفت شوي د هر باب دي

پرې خوراک وريژې ماسته خوره

نمک سنگ ور سره ته خوره

ور ته کړي زيره سپينه

د مستو سرهدې وينه

که اثر د اسهال کم وي

پرې نسوت د زيات درم وي