دواړه شونډې دې شراب پرتگالي دي

دواړه شونډې دې شراب پرتگالي دي

په سره والي له ياقوتو په سيالي دي

په سپين والي، په ښايست ، په زېباييه

واړه غاښ يې مرغلرې لالي دي

په ښېوه ښېوه چې پل کښېږدي په لارې

کښلې پښې يې دگلزار په پايمالي دي

په کاليو سره مخ ښايسته کېږي

ستا په مخ ښايسته ستا د مخ کالي دي

په طلب، په استغنا چې تجربه شول

عاشقان معشوقې دواړه جنجالي دي

نن هغه سړي که غواړم مونده نه شي

چې خوشال زما د زړه په خوشالي دي