فصل - چې په مانځه کې اودس مات شي

که حدث شي په نماز کې

غلط مه شه په دا راز کې

که امام يې زما جانه

خلافت ور کړه له چا نه

ژر اودس وکړه بيا راشه

مقيد په اقتدا شه

خليفه چې نمونځ تمام که

نمونځ تمام په ښه سلام که

هله پاڅه نمونځ تمام کړه

هم ماموم هم ځان امام کړه

که تنها يې نمونځ تنها کړه

که حدث شې هم ته دا کړه

په راتله په تله کې بويه

مه څه وايه مه څه ژويه

مه څه کار کړه مه ويل کړه

مه عورت وته کتل کړه

که په دا کې څه پيدا کړې

نمونځ دې مات شه نيت به بيا کړې