فصل - د غسل په څو نوعه

څوارلس غسل فريضه دي

په کتاب کې عريضه دي

يو دخول د مرد و زن دی

کار يې پټ نه دی روشن دی

په مني په نا مني هم

غسل بويه که مني هم

د شيطان غلطونه

د مني په تويونه

ښځه نر چې سره ورشي

بې مني يې حشقه ور شي

د نفاس غسل لازم دی

بيا د حيض غسل هم دی

چې نظر وکړه په ښځه

په انزال غسل ته ته ځه

که څوک يا په زړه کې ته کړي

په انزال به غسل وکړې

يو دخول پست ور سا دی

که څه غسل دی هم دا دی

بل صحبت د مرد له زنه

دا هم چار ده مبرهنه

که جُنب شي خوب ونه کړې

نه پېشاب غسل زر وکړې

بيا مني له تا جدا شي

دوباره غسل روا شي

که دوه ښځې سره ورشي

فرج په فرج يې برابر شي

په انزال په نا انزال هم

که دې غسل در حال هم

چې انزال شي له چارپايه

مرده لانبه ورته وايه

غسل نشته بې انزاله

له چارپايه د ما لاله

چې حشفه په دبر ولاړه

غسل ورغی په دواړه

چې له خوبه سړی ويښ شي

په مني کې په تشويش شي

که يې خوب په ياد هيڅ نه وي

دا ځای هم غسل بايده وي

په گندگي چې نا پاک تن شي

غسل فرض په مرد و زن شي

د جمعي غسل سنت دی

د عيدين په دا نيت دی

د مرده غسل واجب دی

دا دې زده کا چې طالب دی

چې کافر زموږ په دين شي

نفل غسل پرې تعيين شي