فصل - د نمانځه د ادبونو

دا پنځلس دي آداب

په نمانځه کې ای احباب

په تکبير کې لاس تر غوږه

وروستنه ده ونغوږه

پښې چې بېر ته سر کېږدي

يو څپک يې تر منځ پرېږدي

په تکبير کې چې لاس کوز کړي

بيا سر پورته سم ور بوز کړي

په رکوع کې چې يې کوز کړي

په ادب کې دا يجوز کړي

ښی اول په زانو کېږدي

په اخسته کې کيڼ لاس پرېږدي

چې رکوع وکړه بسا سم شي

لاس اوږده کړه سينه خم شي

و سجود ته چې کوزېږې

ادب دا دی که پوهېږې

اول کېږده زنگنونه

ور پسې کېږده لاسونه

ښی زنگون ښی لاس اول ږده

خپل اندام ور سره مل ږده

په اخستل کيڼ اخله

که زنگون که لاس ای دله

له سجدې يې پور ته بوزه

اول وچولی بيا پوزه

بيا کيڼ لاس ور پسې ښی دی

په کېښو کې که وړومبی دی

تمام قيد چې ودرېږي

قرات ته و جوړېږي

لوستل زيات تر درې آيته

تسبيح زيات تر درې کرته

تشهد د راز ويل دي

دا څو توکه فضايل دي