فصل - د سجده تلاوت

تلاوت چې کړې ای زويه

څوارلس ځايه سجده بويه

که بل کس تلاوت کاندي

ته يې اورې ستا د وړاندې

په سجده باندې چې راشي

په تا هم سجده روا شي

که اودس دې په ځای نه وي

په اودس دې بيا هاله وي

په سجده کې تسبيح وايه

درې کرته صحيح وايه

په قهقه که ته وخاندې

په سجده کې سجده غاندې

سجده نه وشوه که ښه کړې

بيا به بله سجده وکړې

که ته سور په اوښ په آس وې

يا په خره په غوايه پاس وې

که سجده په اشارت کړې

ته دا کار په روايت کړې