فصل - شرطونه د زکات

د زکات چې څوک طالب شي

په اته توکه واجب شي

پنځه شرطه په مالدار دي

دا په مال باندې په شمار دي

که د مال څښتن آزاد وي

بيا هاله زکات پرې زباد وي

دويم شرط د بلاغت دی

نابالغ ترې فراغت دی

دريم شرط يې دی د عقل

ثابت شوی دی په نقل

مسلمان دې وي ای ياره

څلورم شرط دا وشماره

پنځم شرط يې دوام دار دی

که بې قرض دنيا دار دی

چې په مال دي درې شرطونه

د ما ياد دي له اخونه

اول دا چې درست نصاب وي

کم نصاب په څه حساب وي

بل چې تېر ورباندې کال شي

هاله فرض زکات په مال شي

بل چار پای چې همگي وي

اخوري نه رمگي وي

که يې نه وي دا شرطونه

زکات نشته په مالونه