غزل غم خواري دا هسې چرې وي غمخورې Rahman Baba Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 غم خواري دا هسې چرې وي غمخورې چې به ما دلته کې ناست لرې ته دورې 02 هغه خدای چې د ستا مخ بله لمبه کړ دا لمبه يې کړه زما په گوگل پورې 03 هم هغه دي زما تور لېمه سره کړي چې يې ستا لاسونه سره کړه سترگې تورې 04 غل د سر و د مال غلا په توره شپه کا ته په ورځ زما د سر و د مال چورې 05 اصيل نه دی چا پېرو دی نه يې پلوري ته اصيل په ديدن پېرې هم يې پلورې 06 دا کوم رنگ د اشنايۍ او د يارۍ دی چې زه ستا دمخ ثنا کړم ته مې زورې 07 درخانۍ په سل غمونو خدای اخته کړه زه به ولې له تا زار کوم که گورې 08 زه و تا وته د ستا له جوره ژاړم ته راواخلې سل گيلې نادرې نورې 09 د رحمان په عاشقۍ به آفرين کړې که لږ مخ و آيينې ته کړې و گورې Dictionary meaning × Headword
