غزل که د سرو شونډو سره غواړې تحقيق Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 که د سرو شونډو سره غواړې تحقيق د يمن په ملک به نه وي دا عقيق 02 خوله يې هسته ده که نېسته نه پوهېږم دا رموز دی و هر چا وته دقيق 03 په زرگونو راته لاف کړي د ياريه ما يو يار په کې ونه ليده صديق 04 په هر لور مې غورځوي، په سرلگېږم زمانې کړم لک سنگ د منجنيق 05 اول غم د يار و ما وته غليم و اوس تر ده نه بل څوک نه لرم شفيق 06 په لومړي قدم دې سر له تنه پرې کا چې قدم کېږدې په دا خونې طريق 07 چې د عشق په بحر ډوب دی حال يې گوره! د دنيا په حال خبر نه دی غريق 08 طلبگار يې د وصال په لوی طلب وي له ازله يې راوړی دا توفيق 09 ازاده عالم بندي دی که يې گورې! د زلفينو په زنځير يې دی عتيق 10 گټه زيان د عشق يوازې د عاشق دی اميد قطع کړه خوشاله! له رفيق Dictionary meaning × Headword
