نظم کسب و کار Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 هم واجب وي هم مباح وي کسب کله نا صلاح وي 02 چې حلال کسب څوک کاندي صد رحمت په هغو باندې 03 چې له خپله کسبه نه خوري که ولي دی کله ښه خوري 04 واجب وخت کې د ضرور وي کسب بويه چې دستور وي 05 چې عيال يې بېنوا شي په وبال به مبتلا شي 06 څه په کسب چې حاصل کا خپل عيال واړه خوشدل کا 07 دا تلاش يې که خبر وي له جهاده برابر وي 08 په حلال کسب چې گرځي ښکته پورته سره غورځي 09 چې هر پل په مځکه ږدينه دی به بې مزده نه وينه 10 هره شپه چې څملي ستړی په سبا پاڅي خوب وړي 11 چې له خواب رابيدار شي د بخيلو سره شمار شي 12 چې حلال کسب نه کاندي پرېشاني بويه پرې باندې 13 چې له کسبه يې حاصل وي دا درې چارې به يې تل وي 14 له هر چا به طمع خواست کا کس ناکس سره به ناست کا 15 مسرت به ځنې لاړ شي برکت به ځنې لاړ شي 16 خوشامند به د هر چا کا يا به خوار شي يا به غلا کا 17 د هغه کسب مباح وي که صباح وي که رواح وي 18 چې يې قوت د ورځې وينه عبادت دې دخدای کړينه 19 جن و انس چې په دنيا دي عبادت لره پيدا دي Dictionary meaning × Headword
