خر د سرو زرور د زين نه دی لايق

خر د سرو زرور د زين نه دی لايق

ښه ځړۍ ور لره بويه موافق

بوالهوس چې عاشقي کا عاشق نه دی

په خالي هوس يې مه بوله عاشق

نفساني تاريکه شپه صادق هغه دی

چې سحر غوندې سينه لري صادق

څه په علم، په تلقين سره نور نه شي

چې راغلی له ازله دی فاسق

د سينا زويه له ځايه شېخ ملا و

اراسته نه شو په درس په خوانق

په ادب به د اديب فايق له چا شي

چې له ځايه په فطرت نه وي فايق

صالحان له ظالمانو نه پيدا شي

له زاهده نه پيدا شي غل، سارق

د بدخوی ، د خوی علاج ملک الموت دی

نه په ډېر علاج خبر حکيم حاذق

هغه باغ، هغه باغوان هغه يې گل دی

چې فرهاد باندې بلبل و يا وامق

زړه سوخته مينان ډېر دي په جهان کې

څه يوازې يو مجنون نه دی عاشق

که کارگه غوندې يې فهم وي خوشاله!

هيڅ استاد به شين توتا نه کړي ناطق