خټکی له خټکي نه خوند اخلي

خټکی له خټکي نه خوند اخلي

همسايه له گاونډي نه پند اخلي

څه به غم د صغيره گناه هغه کا

چې په غاړه کبيره څرگند اخلي

هوښياران د نېک خواهانو ويل نغوږي

ناپوهان د بدخواهانو سند اخلي

د مظلوم آهونه کاڼي د غره سېځي

ظالمان به آزارونه چند اخلي

د هغه لاسونه مه سيځې په اور کې

چې له پښو نه دبنديانو بند اخلي

که په زړه کې ډېر غبار د غليم پروت وي

پرې خوروه چې غبارونه شخوند اخلي

خوشال خپلو خوږو شونډو وته پرېږده!

چې توتا خوږه مزه د قند اخلي