خو ناڅاپه د ابلیس له ټګۍ وروسته

ساده زړو ته د سهوې خطا راغله

په خوراک د هغې ونې د مېوو دوی

بې حجابه شول د دواړو حیا راغله

پټول دواړو په شنو پاڼو ځانونه

ادم ژاړي هم حوا په ژړا راغله

له جنته لاندې ځمکې ته راکوز شول

ازموینه پرې له خوا د مولا راغله

سره ورک وو خویو بل یې سره بیا موند

په توبویې دزړګو تسلا راغله

رب وځمکې ته ښکلا ورکول غوښتل

چې بي بي سره د ژوند له بابا راغله

پر ژوندون د روژه ماتي زیری وشو

دویالې پر غاړه دنګه خرما راغله