له نېکانو هم نشينه، له بدانو په زړه خوړينه

له نېکانو هم نشينه، له بدانو په زړه خوړينه

له موروالي يې توبه کا، که يې مور وي دروغجنه

دمېلمه په کار حاضره، په پخوالي بهادره

حق د چارې په ځای راوړي، په رنځور باندې پوښتنه

خوش صورته، خوش سيرته، خوش خلقته، خوش خلقته

په طاعت په عبادت کې د وفا په لارې تلنه

پاکيزه يې دکور صحن، نه په غولي کې نور لحن

پرستارې ترې خوشنودې، ښه د هر چا په ساتنه

که دا هسې څوک پيدا شي، دخوشال په لاسو راشي

هيڅ تقصير به يې ونه کا د ياريه په پالنه