غزل
لېوني سره به څه کړې نور تدبير
Khushal Khan Khattakلېوني سره به څه کړې نور تدبير
لېوني لره زندان بويه زنځير
د ما زړه يې په خلقه د زلفو يووړ
لکه لوی ماهي په شست د ماهي گير
که خوښي ده په جهان کې، د ليدو ده
نه خوښي د بادشاهيه د سرير
چې يوسف يې د کنعان له څاهه وکېښ
په نېک بخت ستوري زوولی و بشير
د شکرو په دکان هندو بچه دی
که تور خال دی ستا په سرو شونډو جای گير
د بهار په وخت په بوږ د سرای گرځه
نه په بوږه د کابل او د کشمير
د لنډي اوبه هغه گڼه خوشاله!
چې يادېږي په جنت کې جوی د شير