ملاحت چې صباحت سره آمېز شي

ملاحت چې صباحت سره آمېز شي

د دلبرو حسن هله شور انگېز شي

خدای پخپله په ښه مخ باندې مين دی

خدای يې واخله چې له ښکليو يې پرهېز شي

په زمان به د زاهد خونه اولجه کا

که د سترگو د ترکانو يې پرې خېز شي

د غمزې سمند يې جوړ کړو جولان ته

گوره بيا به يې په چا باندې مهمېز شي

د دوزخ لمبې به هم ورځنې ډار کا

که دا اور مې دخاطر په حشر تېز شي

د عشق بوی مې به لاړ نه شي له هډونو

که هر څو په تورو خاورو کې رېز رېز شي

چې گه ناز که گه عتاب کا، کله مهر

دا يې واړه له خوشال سره مکېز شي