نه په خوله گولۍ خوړلې د ټوپک

نه په خوله گولۍ خوړلې د ټوپک

نه نمړۍ د لييمانو د ښانک

که د تن وينې يو جام وڅښې لا ښې دي

نه اوگره د بخيلانو يو کاشتک

که اوبه دې د بخيل د منگي وڅښې

ستا دې وخېژي دانه په چنغړک

نه د شوم د لاسه سل بېرې خوړلې

نه د مرد له لاسه پاڼې د پالک

نه نامرد سره مکې ته رسېدلی

ښه د مرد سره په بياې بېديا ورک

مخ دې سوی د دوزخ په لمبو ښه دی

نه چې سم کړې و ممسک و ته ورسک

د منت سره حلوا مه خوره خوشاله!

تر حلوا نه لا بهتر دی وچ کنډک