نن يې بيا د دلبرۍ خنجر تر ملا شو

نن يې بيا د دلبرۍ خنجر تر ملا شو

ښه چې سر يې له اوله په پارسا شو

ښه چې زر دې مختوري وشوه رقيبه

هغه يار چې مرور و بيا پخلا شو

ما وی بخت به يو ښه يار راکا و ماته

چې د درست جهان ناترس و يار زما شو

گل په دا سبب ارزان درومي په بيه

چې يې ډېره بقا نشته، بې وفا شو

په بلبلو باندې زېري د بهار کا

چې نرگس په هسې سخته څله وا شو

راشه گل وته نظر وکړه اغزيه!

گل په هومره زېبا ييه يار د چا شو

د فراق شپه يې څه هومره اوږده نه وه

په خوشال باندې هزار ځله سبا شو