اورنگزېب چې آرايش د تخت و تاج کا

اورنگزېب چې آرايش د تخت و تاج کا

تخت و تاج به يې اجل سره تاراج کا

په جهان کې به يې پاتو ښه بد نوم شي

ده زده چارې د کسری کا د حجاج کا

زه غمجن په عيد په جشن خبر نه شوم

که درست خلق د دهليې ابتهاج کا

اوبه سترگو لره لاړې اور د زړه شوې

څوک به څرنگه ژوندون په دا مزاج کا

دوه مين چې په هېواد وبله بېل شي

خدای يې څرنگه د تش سلام محتاج کا

چې په رگ مې گوتې کښېږدي رنگ يې زېړ شي

طبيبان مې به پسو د رنځ علاج کا

جدايي دمما په زړه کا هسې چارې

لکه باز يې په تارو يا په دراج کا

د ما اوښې دگوگل په جوش پيدا شي

لکه اور چې له گياهه نم اخراج کا

هر ناوک چې د قضا له شسته خېژي

زمانه دخوشال زړه ورته آماج کا