غزل په کاته کاته مې سترګې په خاته شي Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 په کاته کاته مې سترګې په خاته شي چې خبر دې د راتلو راباندې وشي 02 ته خو اوس له ما نه لاړې، مرور شوې دا زما ياري دې هم ګوندې په زړه شي 03 ګوره تا راباندې کومې کوډې وکړې که په پښو درځنې درومم، زړه مې نه شي 04 چې ديدن د ميين وکړمه تازه شم لکه کښت چې په باران سره اوبه شي 05 د ښه يار بېلتون د ستوني پرېکول دي په يرغ به ستونی چېرې پرېکاوه شي 06 په ارمان د هغه وخت يم درېغه درېغه! که د زنې سېب يې بيا زما په خوله شي 07 د خپل يار د جداييه هسې کار دی لکه ساه چې له وجوده په واته شي 08 بخته! هومره مدد بيا راسره وکړه چې په غېږ کې مې بيا تللی يار اوده شي 09 د خوشال سلام په واړو ښو يارانو ګوندې بيا مې په ليدو سره زړه ښه شي Dictionary meaning × Headword
