په خوني هاتي سوره شوه مې پرسته

په خوني هاتي سوره شوه مې پرسته

زه هم مست هاتي هم مست دی دا هم مسته

خدای د درېواړو مستانو وبله سر کړ

بل نشته يا به نيست شي يا به هسته

چې يې ستا زلفينې کښېوتې په لاس کې

لاس يې پرېوځه که يې دی پرېږدي له دسته

ننداره ورلره رايشو نندارچيانو

يوه لويه ننداره شوله پيوسته

چې د سلو کالو زهد، صبر و ثواب و

مغ بچه مې په زمان يووړه له دسته

با دما کړه په کور دننه ناست و

زه بې روحه گرځېدم دده په مرسته

نه باري نه اشنايي واړه لباس دی

چې خبر شوم د وگړي له بربسته

ما په وږيو سترگو ډېر ياران خوړلي

په ځير ځير دې مخ ته نه گورم دکسته

دخوشال په ځان د ډېرو غشي لک دي

خو هم ده زده چې دی مري د چا له شسته