په رښتيا ويل غوړېږي د زړه غوټه

په رښتيا ويل غوړېږي د زړه غوټه

دروغجن خوري لکه سپی د غولو سوټه

په درياب کې خښته واچوي، هيڅ نه شي

په يو څو څاڅکي خوره شي اومه لوټه

د هغې ښځې صحبت لکه دوزخ دی

چې مېړه وته تلکښېني په مخ بوټه

په دا کار نادان، هوښار دواړه پوهېږي

د کابل خربوزه به ده تر پهوټه

څوک خمونه تشوي، مستي يې نه وي

څوک د ميو عربده کا په څو گوټه

د هغه ياري په کا رنه ده خوشاله!

چې له خپلې خولې وباسي وينا جهوټه