پښتانه که ادم زاد دي

پښتانه که ادم زاد دي

په خويونو کې هناد دی

نه حکمت لري نه عقل

خوښ په جهل په فساد دي

نه د پلار په ويل کار کا

نه په نغوته د استاد دي

چې په ديو کې يو ښه وي

د هغه د سر جلاد دي

يو د بل په کمي ناست دي

ځکه تل په بلا ياد دي

اول زه، دا نور له پسه

څو شته واړه د احداد دي

په نفاق يې واړه ورک کړل

که شجاع دي که جواد دي

نه يې قدر شته نه پدل

ډېر تر مور او تر جراد دي

دا لا شکر کړه خوشاله!

چې بنده نه دي، ازاد دي