پياله کړې راته ډکه، زه يې ستا له لاسه واخلم

پياله کړې راته ډکه، زه يې ستا له لاسه واخلم

د شونډو بوسه راکړې، بيا په نوره تقاضا يو

مطرب راته له ورايه په تارونو لېندی ايښی

په بم، په زېړ جاروځي موږ يې محو په نوايو

ته کل واړه خوبۍ لرې، زه واړه کامرانيې

ښادۍ ته مخامخ، غم و اندوه ته شا په شا يو

ناگاهه له دې خوبه د سهر په وخت راويښ شوم

نه ته وې، نه دې وصل زه، دا کار سره جدا يو

څو پايم په دنيا کې د چا کار راسره نشته

يو زه يم، يو دې غم دی، سره دواړه خوا په خوا يو

خوشال يوازې نه دی څو په ملک کې عاشقان دي

په خوب په بيدارۍ چې سره دواړه باد پيما يو