غزل راشه وگوره نن دا طراز زما Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 راشه وگوره نن دا طراز زما حقيقت سره قرين مجاز زما 02 درست عالم يې په بازار په کوڅه وايي لا و چاته ښکاره نه دی راز زما 03 د نيازمنو عمر غواړم، په دا څه شي که بې نياز و گړي نه وړي نياز زما 04 د غمزې په تېغ مې وژنه، صرفه مه کړه څوک به نه غواړي له تانه ساز زما 05 د مسجد محراب دچا دی دعابد دی په محراب يې د ابرو نماز زما 06 ښايسته د بڼ طاوس ور لره بويه دا واړه ښکارونه، نه کا باز زما 07 چې په خوږو زړونو بلوسي سزا مومي ښه چې خوار شو په دنيا غماز زما 08 د مراد باده راوالوځه کرياب دی چې روان شي خاطر خواه جهاز زما 09 که يې تل لکه شکر خورم کم به نه شي ستا د دواړو خوږو شونډو آز زما 10 ته په ما باندې تل ناز کړه معشوقه يې زه خوشال خټک عاشق يم نياز زما Dictionary meaning × Headword
