راته نيسي جانانه، د شرابو پيمانه

راته نيسي جانانه، د شرابو پيمانه

د شرابو پيمانه، راته نيسي جانانه

مغني په چغانه راشه بيا کښېږده ليندۍ

راشه بيا کښېږده ليندۍ مغني په چغانه

کور دی دا که بتخانه په کې ټولې جونې ناستې

په کې ټولې جونې ناستې کور دی دا که بتخانه

پاس په سر دې آشيانه تور کارگه قمري ترې لاندې

تور کارگه قمري ترې لاندې پاس په سر دې آشيانه

گوره جوړ دام ودانه زلف وخال د هغې مستې

زلف و خال دهغې مستې گوره جوړ دام و دانه

په گېسو کښېږده شانه چې دمښکو بوی لا ډېر شي

چې د مښکو بوی لا ډېر شي په گېسو کښېږده شاته

عشق مجنون که فرزانه شک گومان نشته په دا کې

شک گومان نشته په دا کې عشق مجنون که فرزانه

ته غاقل زه دېوانه، څه مې رخ دملگرۍ

څه مې رخ دملگرۍ ته عاقل زه دېوانه

دا غزل دی رندانه ماخوشال خټک ويلی

ما خوشال خټک ويلی دا غزل دی رندانه