رنګ و خوشبو په اوښکو سرو د زړه ګلاب لري

دمرغلرې قدر هاله وي چې اب لري

مامې د خپل زړه په کتاب کې روایت لیدلی

ماته خواږه خواږه را و ګوره ثواب لري

دحوالورې انګوري خولګۍ به بیا راکوي

پرتامین دخوندوري ګناه تاب لري

اخ د جنت د دروازې غنګی مې زړه ته راغی

په اوښکو لوند غږد ملنګ بابا رباب لري

مخ د خبرو پټ د خیال په ټیکري ښه شاعري

داد ښکلا ناوکۍ پټ مخ په نقاب لري

د ادم زوی کوي خوږه غنم غنم شاعري

د حوالورې ستا په نوم یې انتساب لري

چې ملایان یې پر ممبر په مینه مینه وایې

کاروان دغسې شعرونو لو ی کتاب لري