ساقيا! تش مزاجه

ساقيا! تش مزاجه

له صفا مينا زجاجه

د شرابو پياله راکړه

د همه زحمت علاجه

نه يوه پياله د ميو

نه د درست جهان خراجه

زه او می، ای محتسبه!

که مې خونه شي تاراجه

ور گدا د ميخانې شه

که شاهي غواړې بې تاجه

د رندانو بازار تود دی

د شرابو له رواجه

صومعې ته تله له ديره

ياوه کار دی بې منهاجه

د ساقي پياله راواخله

په کې ډېر دی ابتهاجه

ساقي! هر کله دې وينم

ماه جبينه مخ سراجه

د بلورو پياله ډکه

د خوشال د احتياجه