شپه دد بېلتانه ده، پهر پهر کال په ما شو

شپه دد بېلتانه ده، پهر پهر کال په ما شو

بانگ دی دچرگانو، په هزار هيله سبا شو

رايشي گلزار ته، وار په وار ننداره کاندي

وار په وار پرې تېر شي، اوس که گورې وار زما شو

پيغام راوړي د وصل، عجب ښه راځي په مهر

هد هد د يار له لوريه نن په ما باد سبا شو

په وخت د مشغولا، دگلو کله اواز کاندي

چې درومي له گلزاره په چيغار چيغار توتا شو

په درست عمر يې مهر د سکوت په خوله وهلی

زما د زړه توتي دی چې نن گورمه گويا شو

زنگ چې باندې پرېوځي، آيينه د زړه تبۍ شي

زړه د خوشال گوره! له هر رنگه مصفا شو