څوک چې مخ کا په مذهب د خپل مولا

څوک چې مخ کا په مذهب د خپل مولا

د هغو په خدمت و دري دنيا

څوک چې مخ په نمر روان شي خودې گوري

چې سايه ور پسې درومې په قفا

دروېشان که اشارت و کا و غره ته

د غره کاڼي به هم شي لکه طلا

چې کېميا کېميا يادېږي په جهان کې

کېميا څه ده! ښه نظر د اوليا

که د تخت د پاسه ناست وي صاحبي کا

د دروېش په زړه کې هيڅ نه وي هوا

خيري، زنگ ورځنې نه دي چا وللي

د دروېش جامه له ځايه ده صفا

مړه ودۀ وته ژوندي وي ژوندي مړه وي

د دروېش هومره قوت دی د دعا

مگر چېرې د دروېش په مهر ياد شي

چې خوشال يې کړ دا هسې بېنوا