غزل ستا په مخ کې څه حساب د جمال نشته Rahman Baba Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 ستا په مخ کې څه حساب د جمال نشته ځکه ما څخه د صبر مجال نشته 02 ته د سر او د مال وېره په ما مه کړه وېره ما څخه د سر او د مال نشته 03 زه په دا سبب له وېرې سره رېږدم چې ستا وېره د ثواب د وبال نشته 04 که وعده د يوې چارې يو ساعت کړې د هغې چارې اميد مې په کال نشته 05 د شهيد و حال ته گوره حال يې څه دی بې تا هسې حال زما دی بل حال نشته 06 روښنايي مې د چشمانو ستا ديدن دی په دا کور کې بل چراغ و مشال نشته 07 په جويبار زما د سترگو سروې ته يې په دا نهر باندې غېر نهال نشته 08 مه دې بې خطه بې خاله هسې زېب کا چې يې هېڅ حاجت په خط او په خال نشته 09 مخامخ که راته وگورې دلبره په کاته کې دې ثواب دی وبال نشته 10 د آفتاب په مخ کې هره ورځ زوال دی ستا د حسن په آفتاب کې زوال نشته 11 ستا په يادو کې رحمان هسې مشغول دی چې په زړه کې يې هېڅ غم د وصال نشته Dictionary meaning × Headword
