ستاينه د سرای د غره د لمنې د ښکار

په هر کال د سرای د بوژي

که هر خو تمځري توژي

بل کال لا په کې بسيار شي

په هر کال د بازو ښکار شي

سپين تمځري مالامال شته

تارو هم په کې خال خال شته

تغدري په کې بسيار دي

تر ميزانه تر بهار دي

چې موسم يې د بهار شي

د سيسيو يې هم ښکار شی

بودنې په دواړه فصل

خېل په خېل وي فصل فصل

د هنگال که د سپين کوير دی

د ښو زرکو هوس ډېر دی

چې په زړه کې مې خار خار دی

د ډنگ ډنگ د زرکو ښکار دی

چې په زرکو پسې وا شي

د بازونو تماشا شي