تعريف د حمام

د حمام ده ډېره نفعه

تن دې سپک کا نرم طبعه

مازغه صاف که مشام وا کا

تن له چرکه نه صفا کا

ستوماني د تنه دور کا

زړه د تنه په سرور کا

پاکيزه کا زړه وينه

صاف کا درست گوگل دننه

خلط جدا کاندي له تنه

د سود چار يې ده روشنه

په ساړه د برد دافع دی

په غارمه کې لا نافع دی

چې حمام لره ورځينه

مړه گېډه ښه نه وينه

دی دې لږ کوټې وخورينه

چې حمام لره ورځينه

په حمام وخوره بيا اوبه څښه

مه ماء هيچا مه طعام څښه

چې بېرون شې له حمامه

هغه ورځ هم شپه تمامه

دخول مه کوه ای ځوانه

گڼه نه به وي بې زيانه

که جُنب وي آهنک مه کړه

مسئله ده دا هم زده کړه

که جُنب اهگ يا کل کا

ويښته دين لره خلل کا

نه دې نوک جدا کوينه

جنابت چې په کې وينه