غزل
څو به ستا د دې غمونو زغمل تل کړم
Khushal Khan Khattakڅو به ستا د دې غمونو زغمل تل کړم
د یارانو کمی نشته یار به بل کړم!
په قراره قراري دې یاري پرې کړه
د نیمګړي نیت دې چا وته ویل کړم؟
نور به هسې یک تنها په جهان اوسم
د هر چا سره چې کښېنم غم حاصل کړم
بلاپېری زړه لرم دا یې عادت دی
غم و بل لوري ته درومي زه یې خپل کړم
چې منګي مې تشول د میو زه وم
اوس نور ډکې پيالې اخلي، زه کتل کړم
خالي لاس ورځنې ځم تمه مې نه وه
چې ډک زړه به یې، له ډکه باغه تلل کړم