غزل
ارزو لرم ساقي! يو څو اقداحه
Khushal Khan Khattakارزو لرم ساقي! يو څو اقداحه
که يې راکړې د خاصه ښيښې له راحه
چې دا هسې نوبهار درومي بې ميو
دا خبره په هر چا ده نا صلاحه
زما پير وايي له ميو توبه گار شه!
د بهار په وخت توبه ده نا مباحه
تل به وخت د نوبهار نه وي، گلگشت کړه
په دا باغ کې تر صباحه تر رواجه
د نرگس گلونه پلي، سپاره راغلل
ننداره يې د بهار کړه افتتاحه
رنگا رنگ غونچه دې واکړه په چمن کې
د خوشال د پاره ښه راغلې صباحه