غزل واژگونه شوې همگي د دنيا چارې Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 واژگونه شوې همگي د دنيا چارې چې ليدې مې هسې نه وې واړه لارې 02 زويه پلار سره کارونه د غليم کا لوڼه مور ته لکه بنې دي تيارې 03 په خپل کور کې به دوه وروڼه سره نه وي چې په زړه کې فتنې نه لري تيارې 04 چوهړی پلاو، شولې، خوږه حلوا خوري رهزنان يې په دربار کا ځنې چارې 05 باوري د بادشاهانو لکه غله شول رهزنان يې په دربار کا ځنې چارې 06 بلبلان توتيان حيران په بيابان گرځي په گلزار باندې کارگان، کاندي چغارې 07 په وښو د عراقيانو ژواک ژوندون دی راتبو نه وهي زويه د حمارې 08 نادان خوښ بېغمه خوب په فراغت کا په هوښيارو باندې راشي شل دشوارې 09 په څښتنو باندې حکم کا مريونه تر مېرمنو نه تل وينځې دي روی دارې 10 په دوران د عالمگير بادشاه خوشاله خانه زاد يې واړه بخرې لري خوارې Dictionary meaning × Headword
