غزل هر چې خپلې مينې خوار کړ خوار يې مه گڼه Rahman Baba Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 هر چې خپلې مينې خوار کړ خوار يې مه گڼه عشق د رحمت ابر دی غبار يې مه گڼه 02 کله تور سنبل کله تور مښک کله عنبر شي زلفې که د مار په څېر دي مار يې مه گڼه 03 يو مخ يې د سوزه دی سل مخ يې دساز دی عشق په اصل نار دی ولې نار يې مه گڼه 04 ډېر بيدار ووده وي کله بت په غټو سترگو بُت که درته غټ گوري بيدار يې مه گڼه 05 مراد خو يو اثر دی دخوبانو له رخساره هر چې اثر نه لري رخسار يې مه گڼه 06 خار چې په گل پورې وي د گلو په حساب دی څه شو که يې نوم دخار دی خار يې مه گڼه 07 پوه خلک هغه دي چې اقرار په ناپوهۍ کا هر چې ځان هوښيار گڼي هوښيار يې مه گڼه 08 بد خو هغه وي چې خپل بد ور څرگند نه وي هر چې ځان بدکار گڼي بدکار يې مه گڼه 09 هر چا چې اقرار د يار د زلفو سر وکړ تل به ناقرار وي په قرار يې مه گڼه 10 هر چې کمال غواړي کميني دې کا رحمانه عين دغه چار ده بله چار يې مه گڼه Dictionary meaning × Headword
