غزل هر چې ستا د زړه رضا، واړه هغه کړه Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 هر چې ستا د زړه رضا، واړه هغه کړه خو چې زړه د چا بدېږي هغه مه کړه 02 که د کسب ، د روزگار نه يې نه مرد شته د نامرده ډوډۍ مه خوره ځان خپه کړه 03 يار هغه چې د تنگسې په وخت په کار شي چې دعوا کا دياريه حال يې زده کړه 04 چې تنگسه درباندې درشي که مېړه يې په تنگسه کې د خواريه ځان ورمه کړه 05 په خوارۍ کې، زيست روزگار تر مرگ بتر دی يا دبل گېډه يا خپله گېډه بژه کړه 06 له ځوانمرده هومره غواړه چې د زيست شي د نامرد خونه همه واړه اولجه کړه 07 غليو از د بل منگولو وته گوري لکه باز لرې، نژدې خپله غوټه کړه 08 که دعوه دمېړنتوب لرې په زړه کې آس د وند، تلاش په غشي، په لينده کړه 09 هر يو بيت يې د حلوا خوږه نمړۍ ده که مشتاق يې د خوشال ويل مزه کړه Dictionary meaning × Headword
